Zein garrantzia du funtzio linguistikoa?

Hizkuntza gure komunikatzeko bide nagusia da. Hizkuntzak informazioaren hartu-emana errazten du, kodifikazio sistema zehatz baten bidez. Sistema honetaz gainera, beste batzuk ere erabiltzen ditugu: mimikoa, portaera bidezkoa eta jarreren bidezkoa.

Hizkuntza pentsamenduaren tresna eraikigarria da. Gaur egun, badirudi autore guztiak bi funtzioen garapen paraleloen inguruan ados daudela. Egoera normal batean, hizkuntzak elementu estrukturatzaile bezala funtzionatzen du.
∙Hizkuntzaren bidez kontzeptuak era arrazionalagoan erabiltzen ditugu irudi mentalekin baino.
∙Hizkuntzak inguruko informazio sozio-kulturalak hartzeko ere balio die umeei.
∙Hizkuntzak bere logika duen sistema bat dauka. Umeak bereganatzen du eta honek bere barneko garapen logikoan laguntzen dio.

Ume normala pentsamendu hiztuna izatera heltzen da, baina ume gormutuak (normalitate potentzialeko kasu bat aipatzearren) errealitatea modu ezberdinean ikusten du lenguai nahikoa lortzen ez badu, eta berarekin komunikazioa zaila gertatu daiteke gai konkretuetatik aldentzen bagara, nahiz eta beste hizketa modu batzuk erabili, adibidez gorren lenguai gestuala.
Hizkuntzak portaera erregulatu eta estrukturatzen du. Ahozko hizkuntza informazio eta kultura bide garrantzitsuenetarikoa da. Kanpoko informazio gehienak horien bitartez heltzen zaizkio umeari.