jatorri psikikoko hizkuntzaren eragozpenak

>

Jatorri psikikoko hizkuntzaren eragozpenak
Ume baten eragozpen psikikoek komunikazioa eta/edo hizkuntza nahasi dezakete zuzenki, edo zeharkakoa izan daiteke hizkuntza umeak bere arazoa proiektatzen duen objektu sinbolikoa denean, eta hizkuntzaren hautaketa objektu konfliktiboa denean. Arazo hauen mota ezagunenak, toteltasunaz aparte, mutismoa, lakonismo eta hizkuntza atzeragarria dira. Eragozpen psikikoak arrazoi hauengatik ematen dira:
-zapuzte goiztiarrengatik
-lehenengo harremanen aldaketengatik
-erregresioengatik
-trauma psikikoengatik
Mutismoari, “fobia eskolarra” deritzo. Hau da, umeak ez du ezer edo ia ezer hitz egiten, nahiz eta gurasoek etxean oso ondo hitz egiten duela esan. Kasu hauetan, garrantzitsua da irakaslearentzat giro familiarra hobeto ezagutzea, eta horrela, portaera batzuk ulertzeko erreztasun gehiago eukiko ditu.
Hizkuntzaren eragozpenak desitxuraketa organikoei esker
Lokutore aparatuaren desitxuraketak ahozkera okertzea eragin dezake: fonema determinatu baten artikulazioari eragiten badiote, “disartria”-z ari gara.
Irakasleak izan behar duen jarrera hizkuntzaren eragozpenak dituzten umeeki
Haur-hezkuntzako irakasle baten lana, umeek behar dituzten egoerak eta elementuak eskaintzea da eta horrela, haien hizkuntza eraikitzeko gai izango dira. Hala ere, irakaslea da, gurasoekin batera, umeekin denbora gehiago dagoen pertsona eta haien kapazitate adierazkorrei arreta gehien jartzen diona. Eragozpen hauek dituen haurrak, hezkuntza normala jarraitu dezake eta irakaslearengan jarrera positibo bat ikusi behar du.
Haurrak oso gutxi edo ezer ez hitz egiten duenean, egin beharko den lehenengo gauza gurasoekin hitz egitea izango da, eta horrela eskolak eragindako fenomeno bat den edo etxean ere hitz egiten ez duen ume bat den ikusiko dugu. Umeak ondo entzuten duela jakinda, berarekin elkarrizketa bat izaten ahalegindu behar gara, hizkuntza edo hizkuntzarik gabe. Hizkuntza onartzen badu, berarekin hitz egitea egokia izango da, baina erantzun bat eskatzeko exigentziarik gabe. Gero, aktibitate eta materialak aurkeztuko dizkiogu, baita exijentziarik gabe. Hurrengo egunetan, interes hau aprobetxatzeko, umeak atentzio indibidual garrantzitsua beharko du. Umeak etxean hitz egiten ez badu ere, hizkuntzaren atzerakada baten aurrean legoke.
Haurrak asko hitz egiten du baina ez zaio ezer ez ulertzen (heldugabetasun artikulatorioa)
Kasu hau askotan gertatzen da bi eta hiru urte bitarteko umeekin eta batzuetan bost urterekin ematea ere. Gaixotasun honetan, mezua uler dezakegu kontestua, mimika, edo keinuengatik, baina honekin ulertzeko gai ez bagara ere, ahalik eta gehien ulertzen eta laguntzen saiatu beharko gara.
Umeak nahiko ondo hitz egiten du baina akatsak izaten ditu
Umeari, hitz egiten dagoenean, akatsak ez zaizkio zuzendu behar, azpimarratu baizik, komunikazioa eten gabe. Hitz egiteari uzten dionean, errepikatuko dizkiogu txarto esandako hitzak.